لحم علوش في الفور على الطريقة المغربية

كل بلاد ودبارتها، وكلّ بلاد في التطييب ليها طريقتها، وفطور اليوم لحم علوش في الفور على الطريقة المغربية، مفوّح بنين، طاجين يملى العين

👩‍👧‍👦 أشخاص: 6

⏲️ زمن الإعداد: 20 دقيقة

🥧 الطهي: 60 دقيقة

🛒 المقادير:

1.5 كيلوغرام لحم علوش

1 كيلوغرام بصل

4 عظم مسموط

6 ثوم مهرّس

1 قرفة

1 زنجبيل

1 فلفل أكحل

1 سمن

1 كأس زيت

1 رشة زعفران

1 رشة ملح

100 غرام لوز مقلي ومهروش

200 غرام تمر من غير قلوب

🧾 طريقة التحضير:

1 - خلّط في صحفة: ثوم + قرفة + زنجبيل + فلفل أكحل + زيت + سمن+ زعفران
2 - غطّس اللحم في الخليط وخليه على جنب
3 - قلّي في طنجرة: زيت + بصل + اللحم المفوح + شوية ماء وخليهم مدّة 45 دقيقة
4 - خرّج اللحم مالمرقة وخلّي الطنجرة عالغاز لين تولّي صلصلة خاثرة
5 - حطّ اللحم في الفور باش يتحمّر
6 - احشي التمر باللوز
7 - وتوة ما بقالك كان تزين الصحن: لحم + تمر محشي + عظم مسموط + مغرفة صلصلة

👨‍🍳 نصيحة الشاف :

شعل الفور مالفوق باش اللحم يتحمّر فيسع وصحة وبالشفاء